Proaktibong tumong sa kalidad sa tubig, gipatuman sa dakbayan sa Ozamiz

Gipahigayon ang usa ka komprehensibo nga water sampling alang sa bacteriological analysis sa panglawas ug kaluwasan sa mga katawhan, nga gipangulohan ni Sanitary Inspector Reybern Lago gikan sa City Health Office ug mga sakop sa City Nutrition Office.

Kini nga hinanaling inisyatiba gibubo pinaagi sa hugot nga koordinasyon tali sa mga Barangay Kapitan ug Barangay Health Nutrition Scholars sa Barangay Dalapang ug Barangay Liposong.

Ang maayong koordinasyon ug aktibong partisipasyon gikan sa mga opisyal sa barangay, sama sa Barangay Nutrition Scholar nga si Gina Tolopia, nagpakita sa dedikasyon sa pag-atiman sa panglawas sa komunidad. Pinaagi sa pagsiguro sa kaayohan sa tubig sa matag barangay, ang maong proyekto naglangkob sa pag-ila sa bisan unsang mga potensyal nga mga kontaminante o peligro sa kaluwasan.

Ang mga inisyatiba nagpamatuod sa determinasyon sa lokal nga pangagamhanan sa Ozamiz ubos sa Asenso Ozamiz Administration ni Mayor Atty. Indy Oaminal Jr. sa paghatag ug prayoridad sa panglawas ug kaluwasan sa publiko. Pinaagi sa kooperasyon ug pagtinabangay, ang mga komunidad sa Dalapang ug Liposong makasalig nga ang ilang mga tubig ang ligtas ug naa sa maayong kahimtang alang sa tanang mo inom.

Nagtuo ang mga sakop sa CHO ug CNO nga ang maong mga pamaagi makatabang aron masiguro ang kalidad sa tubig sa mga katawhan sa mga nagkadaiyang barangay, labi na sa mga anaa sa bukirang bahin sa syudad. (Cyril Abad Cabrera/Misamis Occidental News Bureau)