Bata nga adunay Cleft Palate sa Tudela, nakadawat sa libreng plastic surgery

Usa ka bata nga adunay Cleft Palate sa Tudela, nakadawat sa libreng plastic surgery pinaagi sa tabang sa MisOcc 2nd PMFC ug NCF Mindanao Foundation.(Katawhan sa Probinsya)

Usa ka John Fel Magante Dumoyan, 6 years old ug residente sa Brgy. Gala , Tudela, Misamis Occidental ang natabangan sa NCF Mindanao Foundation sa Libreng pagpa-opera sa Cleft Lip ug Cleft Palate sa bata niadtong April 6, 2023 sa Faith Hospital Ozamiz.

Nahimo kining posible tungod sa tabang ug supporta nga gihatag sa RPSB Cadres nga gikan sa Mis Occ 2nd Provincial Mobile Force Company (PMFC) ubos sa pagdumala ni PLTCOL Peter Rhyan Revillas,Force Commander nga na destino sa Brgy. Gala, Tudela, Misamis Occidental nga maoy mi-ila sa bata ug miabaga sa gasto sa check-up, mga tambal, laboratory, tabang sa pag proceso sa Persons with Disabilities (PWD) Card, Pagparehistro sa Philhealth sa inahan, transportasyon lakip na ang paghatag ug konsumo sa tibuok panahon sa operasyon sa bata.

Dili matukib usab ang pagpasalamat sa tibuok pamilya ni John Fel ngadto sa Noordhoff Craniocal Foundation, Misamis Occidental 2nd Provincial Mobile Force Company ug uban pang mga Stakeholders sa kapulisan nga mitabang gayud para successful operation.

Samtang sa paggawas sa bata sa balay tambalanan sa Ozamiz, gihatod usab siya sa kapulisan pauli sa ilang panimalay sa Brgy. Gala, Tudela ug gibinlan sa mga groceries ug vitamins.

Ang naasoy nga bata ang anaa na karon sa maayong kahimtang uban sa iyang pamilya. (KSP/PIA-10/Misamis Occidental)