#PinasLakas campaign sa Ozamiz mas gipakusgan pa, mga pahalipay mas gipadaghan

Aron ipakita ang iyang apresasyon sa ilang kakugi ug paghago, gigahinan gayod ug panahon ug personal nga giestorya ni Mayor Atty. Indy Oaminal ang teams sa City Health Office ug aron usab ipaabot ang iyang pasalamat pinaagi sa token of appreciation, P4,000 alang sa matag usa sa mga health care providers.(AONC)

Mas gipakusgan pa ni Mayor Henry “Indy” Oaminal ang pagpamakuna sa dakbayan sa Ozamiz ingong suporta sa #PinasLakas campaign ni Pres. Bongbong Marcos.

Adlaw nga Martes, Septyembre 20, nakigtagbo si Mayor Indy uban ni acting City Health Officer maria Florelyn Yrogirog sa mga vaccination sa Ozamiz City Health Office aron personal sila nga pasalamatan sa ilang gibuhat aron maprotektahan ang mga Ozamiznon gikan sa Covid-19 ug aron mapatas-an ug mapakusgan ang wall of immunity ilabina dinhi sa dakbayan.

Ug aron matabangan ang vaccination teams ug mga taga-barangay nga makumbinsi ang daghan pa sa pagpabakuna ug pagpa-booster, hatagan usab sa incentives (5 kilos rice ug 6 assorted canned goods) ang mga senior citizens nga makakuha sa FIRST ug THIRD DOSE (1st BOOSTER SHOT) ug P500.00 cash sa magpa-SECOND vaccine dose.

Ug kadtong maka-kumbinse ug mga senior citizens nga taga-Ozamiz nga magpa-second dose, hatagan usab sila ug incentives.

Sa matag senior citizen na imo ma-kumbinse, makakuha ka ug 5 kilos of rice ug 6 ka de lata. Imagine, kung naa kay 10 senior citizens na ma-convince, x10 ang incentives, so 50 kilos of rice and 60 canned goods!

Ug siyempre, natabangan pa nimo nga maprotektahan ang atong mga seniors ug ilang mga pamilya kontra Covid-19.(AONC/PIA-10/Misamis Occidental)