LGU Tangub gipangunahan ang ground breaking ceremony sa Panguil Bay residences sa Brgy Balatacan

Ground breaking ceremony sa housing project sa Barangay Balatacan ning dakbayan nga usa ka dakung proyekto sa lokal nga panggamhanan sa Tangub ug National Housing Authority (NHA), June 1, 2022.(LGU Tangub)

Hingpit nang gipahigayon ang ground breaking ceremony sa housing project sa Barangay Balatacan ning dakbayan nga usa ka dakung proyekto sa lokal nga panggamhanan sa Tangub ug National Housing Authority (NHA).

Mismong gi pangunahan ni Mayor Jennifer Wee Tan uban ang mga miyembro sa konseho ning syudad ang nasangpit nga ground breaking sa Panguil bay residences kun diin gi-saksihan usab kini sa mga katawhan sa nasangpit nga barangay.

Hilabihan usab ang kalipay sa maong mga benipisyaryo sa nasangpit nga housing project nga puros gikan sa mga high risk areas sa kabaybayunan.

Si Roberto Perez nga nag puyo sa baybay Balatacan ang dakung kalipay sanglit sa taas nga panahon anaa kini nanimuyo sa dagat ug karun human nga gipahigayon na ang ground breaking gikalipay niini nga usa kini sa maka-tagamtam sa hamugaway unya nga pinuy-anan.

Dako usab ang pasalamat niini ngadto kang Tan ug sa tibouk konseho ning syudad sa maong gikabilin niini nga proyekto sa ilahang barangay nga mapahimuslan sa kadtung labaw nga nanginahanglan sa maong tabang.

Samtang si Rolan Jaca usab ang dako ang pag-pasalamat sa maong programa nga maka-tagamtam usab kini nga maka puyo sa luwas nga dapit ug hamugaway.

Samtang gibalik-lantaw usab ni Tan ang sinugdanan sa maong programa kun diin kini na sugdan sa panahon sa last term niini kaniadtu pinaagi sa pagpalit ug dakung luna sa maong brgy. nga giplanuhan niini nga pagatukuran gayud ug housing project alang sa mga katawhang nanimuyo sa baybayong dapit.

Dugang sa panawagan usab sa Mayor nga dili gayud ipamulitika ang nasangpit nga proyekto sanglit kini namugna alang gayud sa katawhan.

Nasayran nga mokabat sa 97 ka mga units ang pagatukuron sa nasangpit nga barangay.

Ug mokabat sa 25 milyones ka pesos ang budget usab alang sa 1st tranche niini pinaagi sa pagtinabangay sa NHA ug lokal nga panggamhanan sa dakbayan sa Tangub. (LGU Tangub/PIA Misamis Occidental)