LGU Oroquieta nagpahigayon ug Mini Job Fair 2022

Kapin sa 90 ka mga local nga bakanting trabaho ang gitanyag sa Earth Day Mini Job Fair 2022. (Oroquieta Community Channel)

Ang Local Government sa Oroquieta nagpahigayon ug Mini Job Fair 2022 pinaagi sa Public Employment Services Office (PESO) nga gipangulohan ni Mark Anthony Artigas ug sa pagpakig-alayon sa Department of Labor and Employment (DOLE).

Ang duha ka adlaw nga Mini Job Fair 2022 gitawag kini nga "Earth Day Job Fair 2022,”gumikan na atol usab kini sa World Earth Day, April 20-21 didto sa City Library ug E Learning, Town Center, Canubay, Oroquieta City gipahiluna ug pagasugdan sa may alas 9:00 A.M sa buntag.

Sa gipahigayong Job Fair, adunay kapin 90 ka mga lokal nga bakanting trabaho ang gitanyag sa tanang aplikante sa syudad sa Oroquieta ug sa Misamisnon para matagaan ug oportunidad ang walay trabaho nga makatrabaho na.

Samtang anaa mismo ang mga Human Resource Management Officer sa unom ka mga participating employers ang mismo maoy mo conduct sa interview.

Ang unom ka mga employers naglangkob sa Robinsons Supermarket ug RC Baretto Agency, The Generics Pharmacy, OZ Aplus Lending Corp., Jollibee ug Jolly Management Solutions Inc., Prince Hypermart ug ang Paramount Manpower Coop ug OASIA para kini sa mga aplikante nga gusto usab manarbaho sa gawas sa nasud, apan limitado lang ang applicante para sa laing nasud tungod kay gihatagan ug priority ang local job vacancy.

Kapin sa 90 ka mga local nga bakanting trabaho ang gitanyag sa Earth Day Mini Job Fair 2022. (Oroquieta Community Channel)

Pahimangno sa PESO office nga ang tanang aplikante sa maong Earth Day Job Fair kinahanglan nga magpa pre-register daan para matagaan ug priority number aron mapadali ang dagan sa gihimong aktibidad ug ma mentenar ang health protocols para sa paglikay nga pagtakud sa Covid19 ug magdala sa ilang mga credentials, resume ug vaccination cards, kay mao’y susihon adeser makasulod para makab-ot ang hapsay ug malampuson nga Earth Day Job Fair. (Oroquieta Community Channel)