TES sa private colleges, universities dili na angayang mo transfer sa laing eskwelahan

Dili na angayang mo transfer para lang maka-avail sa TES sa private colleges and universities  matod pa ni Senator Gatchilian. (GADTC) 

Dili na kinahanglan pang mobalhin og residence ang usa ka estudyante aron lang maka-avail sa Tertiary Education Support (TES) sa mga private colleges and universities.

Kini ang gipahayag ni Senator Sherwin Gatchalian, Vice Chair sa Senate Committee on Higher Technical and Vocational Schools atol sa usa ka press conference dinhi sa dakbayan sa Tangub.

Pasabot pa niini nga ang TES gimugna sa gobyerno aron matabangan ang mga kabus nga estudyante nga nag puyo sa mga lugar nga walay government colleges and universities aron makatungha sa eskwelahan.

Nasayran nga nahimong isyu sa mga private colleges and universities sa Ozamiz kay dili maka-avail sa TES ang mga estudyante nga dili lumolupyo sa Ozamiz.

Kini ang hinungdan nga daghang estudyante ang napugos sa pagbalhin og residensiya sa Ozamiz.

Apan gipahayag ni Tangub City Mayor Jennifer Tan isip kanhi presidente sa Northwestern Mindanao State College (NMSC) ug kasamtangan nga Governor Alfonso D. Tan College (GADTC) nga giluagan sa Commission on Higher Education (CHED) ang requirement nga residency kay may mga lugar nga walay government colleges and universities kon dili private lamang ang anaa, busa ang kapitan sa barangay kon diin nagpuyo ang estudyante, gikinahanglan nga mo isyu sa residence certificate aron dili nahikawan ang kabus apan interesado ug angayan nga estudyante sa pagtungha sa private schools.

Gidugang ni Gatchalian nga ang TES gidugang sa programa sa edukasyon sa national nga kagamhanan sanglit dili tanan lugar adunay mga pampublikong tunghaan

Kahinumdum nga daghang ginikanan ang nag reklamo nga ilang mga anak dili maka avail sa TES samtang nagtungha sa private colleges and universities sa Ozamiz kay sila dili taga Ozamiz.

Nasayran nga sa dakbayan sa Tangub pinaagi sa duha ka mga pampublikong tunghaan Ang GADTC ug NMSC liboan na ka mga tinun-an ang nahimong beneficiary sa TES nga nag gikan di-lamang dinhi sa Tangub o Misamis Occidental apan lakip usab sa mga silingan nga lugar nga anaa nagtungha sa duha ka mga tunghaan.

Diin sila midawat ug tag 20mil pesos matag semester nga ayuda sa national nga kagamhanan. (Lambo Misamisnon/PIA-10/Misamis Occidental)