LGU Tangub gapahigayon ug Women’s Month celebrasyon sa 5,418 nga kababainhan

Ang local government sa Tangub gapahigayon ug Women’s Month celebration sa 5,418 ka mga kababainhan sa syudad, March 22, sa Sinanduloy Cultural Center. (Lambo Misamisnon)

Kapin sa 5,000 ka mga myembro sa kahugpungan sa mga kababayin-an ning dakbayan ang mapasalamaton sa Lokal nga panggamhanan sa dakbayan sa Tangub atol sa women's celebration.

Hilabihan ka aligri ang nahimung pinaka unang panag tagbo sulod sa duha ka tuig sa mga mokabat sa 5418 ka mga myembro sa kahugpungan sa mga kababayin-an ning dakbayan sa Tangub atol sa gipahigayong womens month celebration, March 22, sulod sa may Sinanduloy Cultural Center.

Nasayran gikan ni Vergilita Delos Santos ang City Social Welfare and Development Office (CSWDO) ning dakbayan nga usa ka adlaw ang gitagana sa dakbayan tungod sa kadaghan usab sa maong mga myembro sa women's organization ning dakbayan kun diin pipila ka mga barangay ang anaa sa buntag ug lain na usab nga mga kabarangayan sa hapon.

Atol sa maong kasaulogan gi balik lantaw ni Governor Philip Tan ang sinugdanan sa maong kalihukan nga panagtagbo sa tanang mga kababayin-an nga gi sugdan niini sa dihang mayor pa kini pila na ka tuig ang milabay ug hangtud nga gipadayon kini ni Mayor Jenny Tan ug mas nahimung aligri sa matag tuig nga pagpahigayon niini.

Samtang gi pamahayag usab ni Tangub City Mayor Jenny Tan nga kini nga maong kalihukan nagpakita gayud ug kusog ngadtu sa mga kababayin-an ilabina karung panahuna ug ang pag balik lantaw niini ingun man pag tandi sa mga dugay nang katuigan nga wala pay igong tingog ang mga kababayin-an.

Dako usab ang pag pasalamat sa maong mga kababayin-an sa dakabayan sa Tangub sa maong kalihukan ilabina nga sa duha ka tuig wala kini makapahigayon sa susama nga mga aktibidad.

Si Generous Manla nga taga brgy. Lorenzo Tan ning dakbayan nga hilabihan kalipay sa mga nadawat niinu gani sigon pa niining gihatagan gayud ug igong pundo matag tuig ang maong kasaulogan arun sa paghatag ug importansya sa mga kababayin-an ug walay pili.

Nasayran nga nadawat sa maong 5,418 ka mga kababayin-an ang giveaways nga bag, malong, sabon, shampoo, payong, ingun man Lotion karung tuiga.

Gawas pa usab kini sa mga pahalipay nga personal gayud nga gi hatag nila ni Gov Philip Tan ug Mayor Jenny Tan pinaagi sa pa raffle sa cellphone units ug mga transistor radios nga sa matag barangay duna gayuy mga mananaug. (Lambo Misamisnon/PIA-10/Misamis Occidental)