COMELEC VCM road show gi-sugdan na sa Ozamiz

Target karon sa COMELEC nga ang tanang mga katawhan nga nahisakop sa 51 ka mga barangays sa Ozamiz maka apil ug makatan-aw sa mga pamaagi sa kung unsa ang pagabuhaton ning umaabot nga sa piniliay 2022.

Sa ilang paglibot sa kabarangayan adunay 12 ka mga barangay nga ilang naadtoan sama sa Barangay Tabid, Litapan, Manaka, Diguan, Sinuza, Labinay, Dimaluna, Bongbong, Pulot, Balintawak, Cavinte ug Bagakay.

Nahimong positibo usab ang feedback sa mga katawhan nga nakasalmot sa unang adlaw sa Voting Counting Machine (VCM) roadshow dinhi sa syudad sa Ozamiz.

Mapasalamaton sila sa comelec tungod kay aduna na sila’y dugang kahibalo.

Ang maong aktibidad sa comelec walay gipili nga partido ma unsa man ang imohang istado sa kinabuhi basta rehestrado ug botante pwede maka salmot aron nga makadugang sa ilang pagkat-on usab ilabi na sa Voting Counting Machine.

Ang mga gidili usab panahon sa pagpangampanya nga wala na kadtong mga naandan kaniadto sama sa mga hand shake sulod sa mga nagkadaiyang panimalay bisan ug naa’y permiso sa tag tungod, social distancing usab ug daghan pang uban kini tungod ana pa kita sa health crisis.

Padayon sila nga naka baklas sa mga tarpaulin nga wala mo sunod sa guidelines sa Comelec. Ang pag butang niini sa mga designated common poster area nga gipahimotang ug ang gidak-on usab niini. Maong sukad niadtong Pebrero sa unang semana pa lang sa kampanya sa mga modangan sa national ang napahigayon sila ug oplan baklas diin ubay-ubay ang ilang mga gipang tangtang.

Sa katapusan gi-awhag ni Lawyer Acul ang mga katawhang Ozamiznons nga mo apil ug mo salmot sa maong aktibidad gumikan ka’y kakuhaan kini nila ug giya ning panahon sa piniliay ug sa kampanya. (Misamis News Network/PIA Misamis Occidental)