Senador Bong Go mangulo sa inagurasyon sa 143rd Malasakit Center sa Tangub city

Senador Christopher Bong Go gikatakda nga mangulo sa inagurasyon sa 143rd Malasakit Center.

Kini himuon sa Doña Maria D. Tan Memorial Hospital sa Tangub city, Misamis Occidental

Padayon nga giawhag ni Go ang mga katawhan nga dili magduha-duha sa pagduol sa Malasakit Centers alang sa ilang pagpatambal.

Bisan sa ka-busy ni Go sa iyang trabaho isip senador, wala gihapon niya pasagdi ang pagpadako sa Malasakit Center nga mahimong ikonsidera nga pet program niini tungod kay siya ang nanguna sa paglunsad niini bisan dili pa siya senador.

Pagkahuman sa inagurasyon, gikatakdang mobisita si Go sa Malasakit Center sa Mayor Hilario A. Ramiro Sr. Ang Medical Center sa kasikbit nga syudad sa Ozamiz sa susamang lalawigan gilunsad kaniadtong Enero 31, 2020.

Gisiguro ni Go ang padayon nga konstruksyon sa mga Malasakit Center sa lain laing bahin sa nasud alang sa labing dali ug mas kasaligan nga tabang medikal sa mga katawhan labi na ang mga kabus.

Niadtong miaging semana lang, gi-inagurahan ni Go ang daghang Malasakit Centers samtang siya mismo ang nagbisita. (PR)